JioCinema ને પડકારવા માટે Disney+ Hotstar એ મોટું પગલું ભર્યું છે. ડિઝની+ હોટસ્ટારે શુક્રવારે જાહેરાત કરી હતી કે તે એશિયા કપ અને ICC મેન્સ ક્રિકેટ વર્લ્ડ કપ ટુર્નામેન્ટને તેના વપરાશકર્તાઓ માટે મફતમાં સ્ટ્રીમ કરશે.
ડિઝની+હોટસ્ટારનું આ પગલું એવા સમયે આવ્યું છે જ્યારે એશિયાના સૌથી ધનિક વ્યક્તિ અંબાણી તાજેતરના મહિનાઓમાં રમતગમતની મેચોના લાઇવ સ્ટ્રીમિંગ પર ભારે સટ્ટો રમી રહ્યા છે. તમને જણાવી દઈએ કે એશિયા કપ સપ્ટેમ્બરમાં શરૂ થવા જઈ રહ્યો છે, જ્યારે ICC વર્લ્ડ કપ 2023 ઓક્ટોબરમાં શરૂ થશે. બંને ટૂર્નામેન્ટ્સ મોબાઇલ ઉપકરણોથી મફતમાં સ્ટ્રીમિંગ માટે ઉપલબ્ધ રહેશે.
Disney+Hotstarના હેડ સજીથ શિવનંદને Exchange4Media ને જણાવ્યું હતું કે Disney+Hotstar ભારતમાં ઝડપથી વિકસતા OTT ઉદ્યોગમાં મોખરે છે અને અમે દર્શકોના અનુભવને વધારવા માટે નવી નવીનતાઓ પર કામ કરી રહ્યા છીએ. એશિયા કપ અને ICC મેન્સ ક્રિકેટ વર્લ્ડ કપ લાખો દર્શકો માટે ઉપલબ્ધ કરાવવાથી, અમને વિશ્વાસ છે કે, અમને સમગ્ર ઇકો-સિસ્ટમને વિકસાવવામાં મદદ મળશે.
તાજેતરમાં જ લોંચ કરાયેલ JioCinema, અંબાણીની આગેવાની હેઠળની સ્ટ્રીમિંગ સેવાએ 2023માં ઈન્ડિયન પ્રીમિયર લીગની ફાઈનલ માટે રેકોર્ડ સંખ્યામાં દર્શકો મેળવ્યા હતા. JioCinema, જે IPL 2023 ની સત્તાવાર સ્ટ્રીમિંગ પાર્ટનર હતી, તેણે ક્રિકેટ ટૂર્નામેન્ટનું મફત સ્ટ્રીમિંગ ઓફર કર્યું હતું જેના કારણે તેમના દર્શકોની સંખ્યામાં વધારો થયો હતો.