ચૂંટણી પહેલા NDAમાં થયો વધારો, શાહને મળ્યા બાદ JDSની એન્ટ્રી

લોકસભા ચૂંટણી 2024 પહેલા ભાજપને નવો સહયોગી મળી ગયો છે. કર્ણાટકનો ત્રીજો પક્ષ જનતા દળ સેક્યુલર હવે NDAનો ભાગ બનશે. જેડીએસ નેતા એચડી કુમારસ્વામી શુક્રવારે ગૃહમંત્રી અમિત શાહને મળ્યા હતા. જે બાદ આ નિર્ણય લેવામાં આવ્યો છે. કુમારસ્વામી અને ગૃહમંત્રી અમિત શાહ વચ્ચેની બેઠક દરમિયાન બીજેપી ચીફ જેપી નડ્ડા અને ગોવાના સીએમ પ્રમોદ સાવંત પણ હાજર હતા. છેલ્લા ઘણા સમયથી ભાજપ અને જેડીએસ વચ્ચે ગઠબંધનની વાતો ચાલી રહી હતી. માનવામાં આવે છે કે આનાથી કર્ણાટકમાં ભાજપને મોટી લીડ મળી શકે છે.

ભાજપના રાષ્ટ્રીય અધ્યક્ષ જેપી નડ્ડાએ કુમારસ્વામી અને અમિત શાહ સાથેની તસવીરો શેર કરીને આ માહિતી આપી હતી. તેણે ટ્વિટર પર લખ્યું, 'કર્ણાટકના પૂર્વ સીએમ અને જેડીએસ ચીફ કુમારસ્વામી સાથે વાત કરી. આ દરમિયાન ગૃહમંત્રી અમિત શાહ પણ હાજર હતા. મને ખુશી છે કે જેડીએસે એનડીએ ગઠબંધનમાં જોડાવાનો નિર્ણય કર્યો છે. અમે એનડીએમાં તેમનું હાર્દિક સ્વાગત કરીએ છીએ. આપને જણાવી દઈએ કે તાજેતરમાં યોજાયેલી કર્ણાટક વિધાનસભા ચૂંટણીમાં બંને પક્ષો અલગ-અલગ લડ્યા હતા અને સ્થિતિ ખરાબ હતી. જ્યારે કોંગ્રેસને મોટી જીત સાથે સત્તા મળી છે.

નોંધનીય છે કે તાજેતરમાં જ એવા અહેવાલ આવ્યા હતા કે જેડીએસ નેતૃત્વના ગઠબંધનને લઈને અમિત શાહ સાથે વાતચીત થઈ છે. 2024ની ચૂંટણીમાં ભાજપ તરફથી 4 લોકસભા સીટો જેડીએસને આપવામાં આવશે તે નક્કી કરવામાં આવ્યું હતું. દક્ષિણ ભારતમાં કર્ણાટક ભાજપનો સૌથી મજબૂત ગઢ રહ્યો છે. 28 બેઠકો સાથે આ રાજ્યમાં જેડીએસને એકસાથે લાવીને ફાયદો થઈ શકે છે. આ ઉપરાંત તે સામાજિક સમીકરણોને ઉકેલવામાં પણ મદદ કરશે.