સેમસંગ લાવ્યું આ સસ્તા ફોનનું નવું વેરિઅન્ટ, જેમાં મળી રહ્યું છે ભારે કેશબેક

સેમસંગે તેના બજેટ સ્માર્ટફોન Samsung Galaxy A05sનું નવું વેરિઅન્ટ લોન્ચ કર્યું છે. હવે આ ફોન 4 જીબી રેમ અને 128 જીબી ઈન્ટરનલ સ્ટોરેજમાં પણ ઉપલબ્ધ થઈ ગયો છે. કંપનીએ નવા વેરિઅન્ટની કિંમત 13,499 રૂપિયા રાખી છે. જો તમે ફોન ખરીદવા માટે SBI ક્રેડિટ કાર્ડનો ઉપયોગ કરો છો, તો તમને 1,000 રૂપિયાનું કેશબેક પણ મળશે. ફોન 6 જીબી રેમ અને 128 જીબી ઇન્ટરનલ સ્ટોરેજ સાથે વેરિએન્ટમાં પણ આવે છે. તેની કિંમત 14,999 રૂપિયા છે.

કંપનીનો આ ફોન 1080x2400 પિક્સેલ રિઝોલ્યુશન સાથે 6.7 ઇંચની ફુલ HD+ ડિસ્પ્લે સાથે આવે છે. આ ડિસ્પ્લે 90Hz ના રિફ્રેશ રેટને સપોર્ટ કરે છે. ફોનમાં આપવામાં આવી રહેલી આ ડિસ્પ્લે વોટર-ડ્રોપ નોચ ડિઝાઇનની છે. આ ફોન 6 જીબી રેમ અને 128 જીબી ઇન્ટરનલ સ્ટોરેજથી સજ્જ છે. પ્રોસેસર તરીકે તમને કંપનીના આ બજેટ સ્માર્ટફોનમાં સ્નેપડ્રેગન 680 ચિપસેટ જોવા મળશે. ફોટોગ્રાફી માટે ફોનમાં LED ફ્લેશ સાથે ત્રણ કેમેરા છે.

આમાં 50-મેગાપિક્સલના મુખ્ય લેન્સ સાથે 2-મેગાપિક્સલનો ડેપ્થ સેન્સર અને 2-મેગાપિક્સલનો મેક્રો સેન્સર શામેલ છે. સેલ્ફી માટે, તમને ફોનના આગળના ભાગમાં 13 મેગાપિક્સલનો કેમેરો મળશે. કંપની આ ફોનમાં સાઇડ-માઉન્ટેડ ફિંગરપ્રિન્ટ સેન્સર સાથે 5000mAh બેટરી આપી રહી છે.

આ બેટરી 25 વોટ ફાસ્ટ ચાર્જિંગ ઓફર કરે છે. કંપનીનો આ ફોન One UI કોર એડિશન પર કામ કરે છે. કંપની આ OSને ચાર વર્ષ માટે બે મોટા અપડેટ્સ અને સુરક્ષા અપડેટ્સ આપશે. ફોન ત્રણ કલર વિકલ્પોમાં આવે છે - લાઇટ ગ્રીન, લાઇટ વાયોલેટ અને બ્લેક.