WTC પોઈન્ટ્સ ટેબલમાં ભારતને પછાડીને બાંગ્લાદેશ આગળ નીકળ્યું, PAK ટોપ પર

Dec 2, 2023 - 13:49
 0  3
WTC પોઈન્ટ્સ ટેબલમાં ભારતને પછાડીને બાંગ્લાદેશ આગળ નીકળ્યું, PAK ટોપ પર

બાંગ્લાદેશે પ્રથમ ટેસ્ટમાં ન્યુઝીલેન્ડને હરાવીને મોટો અપસેટ સર્જ્યો છે. ટીમને વર્લ્ડ ટેસ્ટ ચેમ્પિયનશિપના પોઈન્ટ ટેબલમાં આ જીતનો ઈનામ મળ્યો છે. WTC પોઈન્ટ ટેબલમાં બાંગ્લાદેશ ભારતથી ઉપર બીજા સ્થાને પહોંચી ગયું છે, જ્યારે પાકિસ્તાન ટોચ પર છે. બાંગ્લાદેશ અને પાકિસ્તાન પાસે 100% રેકોર્ડ છે. વર્લ્ડ ટેસ્ટ ચેમ્પિયનશિપની ત્રીજી એડિશનની હાર સાથે શરૂઆત કરનાર ન્યૂઝીલેન્ડની ટીમ 8મા નંબર પર છે.

વિશ્વ ટેસ્ટ ચેમ્પિયનશિપની ત્રીજી આવૃત્તિ દક્ષિણ આફ્રિકા સિવાય તમામ ટીમોએ શરૂ કરી દીધી છે. પાકિસ્તાને શ્રીલંકા સામે રમાયેલી એકમાત્ર ટેસ્ટ શ્રેણી 2-0થી જીતીને પોઈન્ટ ટેબલમાં પ્રથમ સ્થાન મેળવ્યું છે, જ્યારે બાંગ્લાદેશ ન્યૂઝીલેન્ડને હરાવીને બીજા સ્થાને છે.

રોહિત શર્માની આગેવાની હેઠળની ટીમ ઈન્ડિયાએ અત્યાર સુધી WTC 2023-25માં વેસ્ટ ઈન્ડિઝ સામે તેની એકમાત્ર શ્રેણી રમી છે. ભારતે શ્રેણીની પ્રથમ મેચ ઇનિંગ્સ અને 141 રનના માર્જીનથી જીતી હતી, પરંતુ બીજી ટેસ્ટ ડ્રો રહેવાને કારણે ભારત 66.67 ટકા પોઈન્ટ સાથે ત્રીજા સ્થાને છે.

ભારત પછી WTC પોઈન્ટ ટેબલમાં ઓસ્ટ્રેલિયા ચોથા, વેસ્ટ ઈન્ડિઝ પાંચમા અને ઈંગ્લેન્ડ છઠ્ઠા સ્થાને છે.

સિલ્હટ ઈન્ટરનેશનલ ક્રિકેટ સ્ટેડિયમમાં રમાયેલી આ મેચમાં બાંગ્લાદેશે પ્રથમ દાવમાં 310 રન બનાવ્યા હતા. જવાબમાં કિવી ટીમે 7 રનની મામૂલી લીડ સાથે 317 રન બનાવ્યા હતા. બાંગ્લાદેશના બેટ્સમેનો બીજા દાવમાં ચમક્યા અને 338 રન બનાવ્યા અને ન્યૂઝીલેન્ડને 332 રનનો ટાર્ગેટ આપ્યો. આ સ્કોર સામે કિવી ટીમ 181 રન પર જ સિમિત રહી હતી. બાંગ્લાદેશની જીતનો હીરો તૈજુલ ઈસ્લામ રહ્યો જેણે બંને દાવમાં 10 વિકેટ ઝડપી હતી. તેણે પ્રથમ દાવમાં 4 અને બીજી ઈનિંગમાં 6 વિકેટ ઝડપી હતી.

What's Your Reaction?

like

dislike

love

funny

angry

sad

wow